जगातला ९९% रिसर्च हा फक्त डिग्री किंवा प्रमोशन मिळवण्यासाठीच केला जातो. फक्त पेपर छापायचे हा एकच हेतू असतो. बाकी तो आपण कशासाठी करतोय, त्याचा खरोखरच काही उपयोग आहे की नाही हे तपासून बघण्याची तसदी कुणीही घेत नाही. आता माझाच रिसर्च घ्या. तो कुठेच इम्प्लिमेंट होणार नाही हे मला चांगलंच माहिती आहे. अजून कशाला मी आणि माझा गाईड आणि फार तर रिव्ह्युअर यांच्याशिवाय माझा थेसिस कुणीही वाचणार नाही हेही चांगलंच माहित आहे. तरीही मी हे का करतोय?कारण तोच एक मार्ग आहे एम.एस. कम्प्लीट करण्याचा. बरं रिसर्च म्हणजे काही लई भारी वगैरे नसतं. जगातलं सगळ्यात बोरिंग काम असतं ते. कसलीच एक्साईटमेंट नसते आणि एक्साईटमेंट तर सोडाच अधून मधून डिप्रेशनचे फेजेस येत असतात. कसलीच निश्चितताही नसते. मग तरीही मी हे करतोय. ही कुणाची फसवणूक म्हणायची? स्वतःची की समाजाची?
कोणत्याही टिप्पण्या नाहीत:
टिप्पणी पोस्ट करा